Syria sasa inatumia mabomu ya CLUSTER

Shirika la kimataifa la kutetea haki za kibinaadamu, Human Rights Watch, limeishutumu Syria kuwa inazidi kutumia mabomu chane, yaani cluster bombs, dhidi ya raia.

 

Vibomu vidogo vidogo vinakuwa kwenye bomu kubwa

 Bomu na vibomu vyake ambavyo havijalipuka

 

Bomu likeshaachiliwa hulipua vile vibomu vidodo vidogo na husambaa eneo kubwa sana

 

Syria inavyoonekana leo baada ya mabomu ya Cluster kuanza kutumiwa na Serikali dhidi ya raiya

 

Mlipuko wa Cluster Bomb

 

Majeruhi wa Cluster bomb: Momu hili lina uwezo wa kumchana chana mtu vipande vipande

Shirika hilo linasema limeangalia video kwenye mtandao zinazodai kuonesha mabomu kama hayo 20 yakitumiwa sehemu mbali-mbali za Syria katika juma lilopita, ikilinganishwa na mwaka mmoja na nusu uliotangulia.
Akizungumza jana, mkurugenzi wa Umoja wa Mataifa wa Human Rights Watch, Philippe Bolopion, alisema inaonesha kuwa serikali haiwatii maanani kabisa wananchi wa Syria.
"Kwa muda tumekuwa tukishuku kuwa serikali ya Syria inatumia mabomu ya chane (yaani cluster bomb) lakini sasa tuna video na mashahidi kwamba serikali imetupa mabomu kama hayo kwenye maeneo ya makaazi kwa kutumia helikopta.
Kwa mfano imerusha mabomu hayo baina ya shule mbili.
Kwa hivo tunaamini kuwa serikali ya Syria inafaa kuacha haraka kutumia silaha za hatari zisokubalika kama hizi na isafishe maeneo yote ambako mabomu hayo yamemwagwa, na piya iwaarifu wakaazi wahusika juu ya hatari ya vibomu vidogo vilivotawanyika".

Source:  http://www.bbc.co.uk/swahili