Baba Mtakatifu Mpya atawazwa rasmi leo

Papa Twadros II Akiwa amevalia mavazi rasm ya Kipapa

  

Akibariki waumini

 

  

   

Ibada ya Kumsimika Papa Tawadross II iliyofanyika leo 

  

Papa akitoa mahubiri
   Papa akimega mkate

Akiwa na maaskofu wenzake kabla ya kutangazwa kuwa papa

Wakristo wa Misri wakimshangilia Papa wao Mpya

Rais Morsis wa Misri akiongea na Papa

Papa Tawadros II,

Papa mtakatifu mpya wa Kanisa la Coptic nchini Misri ametawazwa rasmi hii leo mjini Cairo.

Papa Tawadros II, alithibitishwa rasmi kuwa kiongozi mpya wa Wakristu waliowachache, katika sherehe iliyofanyika katika kanisa la St. Mark, mjini Cairo.

Kiongozi huyo mwenye umri wa miaka 60, anachukua mahala pa Papa Mtakatifu Shenouda III, ambaye aliaga dunia mwezi Machi mwaka huu, baada ya kuliongoza kanisa hilo kwa miongo minne iliyopita.

Kutawazwa kwake kumejiri wakati wakristu nchini humo wakiwa na wasi wasi mwingi kufuatia kuondolewa madarakani kwa rais Hosni Mubarak mwaka uliopita.

Taifa hilo limeshuhudia mashambulio kadhaa dhidi ya waumini wa kanisa hilo na pia makanisa kadhaa nchini humo yameshambuliwa tangu kuporomoka kwa utawala wa rais Mubarak.

Raia wengi wana shaka nyingi kuhusiana na kuibuka kwa makundi mengi ya Kiislamu.

Inakadiriwa kuwa Wakristu nchini Misri ni kati ya asilimia 5-10 ya idadi yote nchini humo ambao wengi ni waislamu wa dhehebu la Kusini.

Misri ndilo taifa la pekee katika eneo la Mashariki ya Kati iliyo na idadi kubwa zaidi ya wakristu.

Rais wa nchi hiyo ambaye ni muumini wa dini ya Kiislamu Mohammed Mursi hakuhudhruia sherehe hiyo lakini waziri wake mkuu Hisham Qandil alikuwepo.