WAASI WATEKA UWANJA WA NDEGE GOMA, CONGO, MJI WARINDIMA MILIO YA RISASI

  

Mji wa Goma

 

Waasi wa M23 wakipita pembeni mwa vikosi vya UN kuelekea Goma bila kufanywa chochote na vikosi hivyo

 

Msemaji wa kundi la  M23, Kanali Vianney Kazarama ameliambia shirika la habari la AP kwa njia ya simu kwamba sasa waasi wanapambana kuudhibiti mji wote wa Goma, baada ya kufanikiwa kuudhibiti uwanja wa ndege na kwamba sasa wako ndani ya mji wa Goma.

Pia  akizungumza leo, Mbunge wa jimbo la Kivu Kaskazini, Mayombo Omary Bin Fikira amethibitisha kwamba waasi wameutwaa uwanja huo wa ndege. Mbunge huyo anasema kwa sasa hali ni ya kutatanisha katika mji wa Goma na milio ya risasi imekuwa ikisikika.

  

Wanajeshi wa Waasi Goma

  

 

 

Mtoto wa miaka 12 akatwa mkono baada ya waasi kuinia Goma

  

Waasi wa M23 wakibeba silaha nzito nzito

  

 

 

 

 

  

Waasi wa M23 wakishangilia

 

Wananchi wakikimbia

 

  

 

 

Wakati huo huo, Baraza la usalama la Umoja wa Mataifa limepitisha kwa kauli moja azimio linalolaani kutekwa kwa mji wa Goma nchini Jamhuri ya Kidemokrasi ya Congo na waasi wa M23.

Azimio hilo pia linamtaka katibu mkuu wa Umoja huo kuripoti kuhusu madai ya uungwaji mkono wa mataifa ya kigeni kwa makundi ya uasi yaliyoanza harakati zao nchini Congo miezi minane iliyopita.

Baraza la usalam la Umoja wa mataifa limelaani vikali kitendo cha waasi wa M23  kuuteka mji wa Goma.

Baraza la usalama la Umoja wa mataifa tayari limeidhinisha vikwazo dhidi ya mkuu wa kundi hilo na limesema limenuia vikwazo hivyo vitawalenga viongozi zaidi wa waasi .

Wajumbe wa baraza hilo wameelezea hofu kubwa juu ya shutuma kuwa waasi hao wanaungwa mkono kutoka nje hatua iliyopelekea waasi wa M23 kuwa na uwezo mkubwa zaidi wa kijeshi

Baraza hilo limemtaka katibu mkuu wa Umoja huo kuchunguza ripoti kuhusiana na shutuma hizo .

Wataalamu wa Umoja wa mataifa wamesema kuna ushahidi wa kutosha kuwa Rwanda inawaunga mkono waaasi hao na makundi ya haki za kibinadamu kwa kushindwa kutuma onyo kwa utawala wa Kigali kama wahusika.

Wakati huo huo maafisa wa Uganda wanasema rais Joseph Kabila wa Jamhuri ya Kidemokrasi ya Kongo na rais Paul Kagame wa Rwanda wamekutana nchini Uganda kujadili Mzozo huo unaoendelea Mashariki mwa Congo .

Mkutano huo wa siku mbili umekuja baada ya waasi wa M23 kuuteka mji wa Goma Mashariki mwa nchi hiyo.

Waasi hao wanaoaminiwa kuungwa mkono na Rwanda , wanasema wako tayari kusonga mbele hadi mji mkuu Kinshasa kwa kile walichokitaja kuwa ni kukomboa nchi hiyo kutoka kwa utawala wa sasa.

Baraza la usalama la Umoja wa mataifa limelaani kukamatwa kwa mji wa Goma