Kombe la Dunia: Nike yaungana na klabu za Brazil kutengeneza jezi za pekee kwa ajili ya kusupport timu ya taifa kwenye Kombe la Dunia

Kampuni ya vifaa vya michezo ya nchini Marekani Nike imeungana na klabu za ligi kuu nchini Brazil za Corinthians, Internacional, Santos, Coritiba na Bahia kutengeneza jezi za njano kwa kila klabu ili kuonesha sapoti yao kwa timu ya taifa ambayo itakuwa mwenyeji wa Kombe la Dunia mwaka huu.

Jezi hizo ni za pekee ambazo zimetengenezwa kwa mchanganyiko wa rangi za klabu husika na rangi ya njano ambayo ni rangi ya jezi za timu ya taifa ya Brazil ambayo imeshinda Kombe la Dunia mara tano.

Ndani ya jezi hizo kuna maneno yanayosomeka 'Nascido pra jogar Futebol' ambayo yana maana 'born to play football.' Maneno hayo pia yanapatikana katika jezi za timu ya taifa ambayo yamewekwa tangu mwaka 2010.

Umoja: Klabu za Corinthians, Internacional, Santos, Coritiba na Bahia watakuwa na jezi za tatu kuisupport Brazil