ALICIA KEYS ANUNUA HEKALU LA EDDIE MURPHY NEW YORK

Mwanamuziki nguli wa Marekani kwa mara nyingine tena amefanya kufuru kwa kununua jumba  kubwa la muigizaji nguli wa Holywood Eddie Murphy. Jumba hilo limenunuliwa kwa gharama ya dola za kimarekani milioni 12. Hekalu hilo lipo katika eneola Englewood katika viunga vya jiji la New York. Jumba hilo la kifahari sana lina kila aina ya vikolombwezo ikiwa ni pamoja na bwawa kubwa la kuogelea, kuta zake zote kupambwa na marumaru nzuri, likiwa na studio za kurekodia ndani na vikolombwezo vingine kibao. Hata hivyo anatarajia kununua eneo la ukubwa wa ekari 2 lililo nyuma ya jengo hilo. Hii si mara ya kwanza kwa Alicia Keys kufanya kufuru kama hii kwani majuzi tu yaani 2010, alinunua jumba lingine kubwa la kifahari la Lenny Kravitz maeneo ya Crossby Loft New York kwa dola za kimarekani milioni 14.