Wapalestina hatimaye wapewa hadhi ya kuwa taifa linalotambulika Duniani. Abbas apokelewa kwa shangwe

 

Mahmood Abbas akiwa katika Mkutano wa UN wakati alipotoa rasimu ya Taifa la Palestina kutambulika kama Taifa huru na si mtazamaji tu wa Umoja wa mataifa

 

 

 

Umati wa Wawapalestina wajitokeza kwa wingi kumlaki

  

 

 

 

  

 

Rais wa Wapalestina, Mahmoud Abbas, aliwaambia wafuasi maelfu katika Ufukwe wa Magharibi       "tuna taifa sasa".

Amekaribishwa kama shujaa baada ya kufanya Baraza Kuu la Umoja wa Mataifa kupiga kura kupandisha hadhi ya Wapalestina.Akiwahutubia wafuasi wake mjini Ramallah, Ufukwe wa Magharibi, Rais Abbas alisema njia ilikuwa ndefu na shinikizo nyingi sana, lakini Wapalestina walisimama kidete na kushinda:

"Tulikwenda New York, tumebeba ujumbe wa uchungu na ndoto ya watu wetu kukabidhi kwa ulimwengu ujumbe wa haki na uhuru. Ulimwengu umetoa kauli kwa sauti kubwa.

Umesema: ndio liwepo taifa la Palestina. Haki za Wapalestina, ndio. Uhuru wa Palestina, naam.

Uhasama, la. Makaazi ya walowezi, hapana. Kuikalia Palestina, sivyo"

 

Source: BBC News