Waziri wa elimu wa Ujerumani avuliwa shahada kwa sababu za udanganyifu kwenye mtihani kudesa)

Waziri wa elimu wa Ujerumani, Annette Schavan, amevuliwa cheo chake cha Daktari wa Falsafa, baada ya kugundulika kuwepo na wizi wa mawazo ya mtu. 

Chuo Kikuu cha Düsseldorf kilichoko mashariki wa Ujerumani, kimesema jana jioni kuwa Schavan hakuonyesha vyanzo ipasavyo katika shahada yake ya juu ya mwaka 1980, ambayo  ilichunguza uundwaji wa dhamira na kwamba kwa maksudi alichukuwa mawazo na kuyaonyesha kama ya kwake.

 Madai kuwa Schavan aliiba mawazo ya sehemu ya shahada yake ya juu, yalianza mwaka uliyopita, wakati madai yasiyo na jina yalipochapishwa kwenye mtandao wa intaneti.

Schavan siyo mwanasiasa wa kwanza maarufu nchini Ujerumani kudaiwa kuiba mawazo mwaka 2011, aliyekuwa waziri wa ulinzi Karl-Theodor zu Guttenberg alivuliwa shahada yake ya juu na kulaazimishwa kujiuzulu.