Mwanamke asafirisha madawa ya kulevya yenye uzito wa paundi 30 bila kujua

  

 

 

 Mwanamke mmoja anayeishi Mexico na kufanya kazi San Diego aliwaita Polisi baada ya kugundua kuwa chini ya gari lake kulikuwa na mzigo wa madawa ya kulevya aina ya bangi kiasi cha paundi 30 bila yeye kujua. Mwanamke huyo ambaye aliendesha gari yake kuelekea kazini Ijumaa asubuhi, alifika mapema zaidi ya kawaida na kukaa ndani ya gari yake akisubiri muda wa kazi. Ghafla wakaja wanaume wawili ambao hawakujua kama alikuwa kwenye gari yake, wakaingia mvunguni mwa gari yake na kuanza kufungua vitu fulani. Jambo hilo hilimshutua dada yule na aliposhuka ndani ya gari lake wale jamaa wawili walikimbia. Dada huyo aliamua kuwaita polisi ambapo waligundua kiasi hicho cha madawa chini ya gari la dada huyo ambayo yalishikiliwa kwa ustadi mkubwa na sumaku kubwa (heavy duty magnets) Ni kwa namna gani waliweza kuweka madawa hayo chini ya gari hilo na wakati gani hakuna anayejua.

Polisi wa mpakani hapo wamewakumbusha watu wanaosafiri kila siku kuvuka mpaka huo kuwa makini kwani mwaka jana kesi ya namna hiyo ilitokea kwa mwanaume mmoja aliyekuwa anatumia mpaka huo mara kwa mara kwa kukamatwa na madawa chini ya gari lake. Hata alipojitetea kuwa hakujua chochote juu ya madawa yale, bado aliweza kupewa kifungo cha miezi sita gerazani.