DAVID BECKHAM: AAGA KWA USHINDI NA MACHOZI JUU PARIS!

DAVID BECKHAM alitoka Uwanjani katika Mechi yake ya mwisho ya Nyumbani ya Klabu yake Paris St-Germain ambayo huenda ikawa ndio ya mwisho katika maisha yake ya Soka ya Miaka 20 huku akibubujikwa machozi.

Beckham, ambae alianza Mechi hiyo ya Ligi dhidi ya Brest kama Nahodha, alibadilishwa katika Dakika ya 81 na Mechi kusimama kwa muda huku Wachezaji wenzake wa PSG wakimshangilia na yeye akawa akitoka nje kwa machozi.

Mashabiki wengi wa PSG wamekuwa wakililia Beckham, Miaka 38, abakie kama Mchezaji badala ya kustaafu.

Msimu huu PSG ndio wamekuwa Mabingwa wa France na bado wana Mechi moja ya Ligi Jumapili ijayo watakayocheza Ugenini na Lorient lakini inaaminika Beckham hatakuwepo.

Katika Mechi ya Jana PSG waliifunga Brest Bao 3-1 huku Beckham akitengeneza Bao moja kwa Kona yake kuunganishwa na Blaise Matuidi na Bao nyingine mbili kufungwa na Zlatan Ibrahimovic.

Bao la Brest lilifungwa na Charlison Benschop.

Mara baada ya Filimbi ya mwisho kwenye Mechi hiyo na Brest, Beckham aliwahutubia Mashabiki na kusema: “Nataka kumshukuru kila Mtu hapa Paris-Wachezaji wenzangu, Wafanyakazi na Mashabiki. Ni kitu kikubwa kumalizia Soka langu hapa. Nimemaliza Soka nikiwa Bingwa na kwenye Timu iliyonifanya nijione kama nimekaa Miaka 10!”

Wachezaji wa PSG walimbeba na kumrusharusha juu huku akishuhudia na Mkewe Victoria na Rais wa zamani wa Ufaransa, Nicolas Sarkozy.

SIFA KUBWA: David Beckham aliungana na watoto wake kushangilia ubingwa ligi ya Ufaransa ambapo amewasaidia PSG kutwaa ndoo hiyo.

Baada ya kipenga cha mwisho, wachezaji wa PSG walikuwa wanamrusha Beckham juu

Baada ya kutolewa uwanjani hapo jana, Beckham alionekana akiwa hivyo

MACHOZI YAKIMTOKA: David Beckham alitokwa na machozi baada ya kuona kocha wake Carlo Ancelotti anataka kumtoa uwanjani ili kumpisha mchezaji mwingine

Wachezaji wa PSG wakimkumbatia Beckham baada ya kufanyiwa mabadiliko