Marekani imetaja sababu nne ambazo zimemfanya Rais Barrack Obama kuijumuisha Tanzania katika ziara yake ya bara la Afrika.
Rais
Obama amepanga kulitembelea bara la Afrika kuanzia Juni 26 hadi Julai 3,
mwaka huu na atazitembelea pia Senegal na Afrika Kusini.
Kiongozi
huyo wa Marekani ambaye baba yake mzazi ni mzaliwa wa Kenya, anatarajiwa
kuwasili nchini Julai Mosi kwa ziara ya siku tatu. Atakuwa Rais wa tatu
wa Marekani kuitembelea Tanzania baada ya Bill Clinton mwaka 2000 na
George Bush mwaka 2008.
Akizungumza
na waandishi wa habari Dar es Salaam jana, Balozi wa Marekani, Alfonso
Lenhardt alisema sababu ya kwanza ya Obama kuja Tanzania ni kutokana na
kuwa mfano wa utawala bora, demokrasia na ushirikishaji wa watu wake
wakati wa kufanya uamuzi unaogusa maisha yao ya kila siku.
Alisema
kuwa Tanzania ni nchi ya mfano linapokuja suala la uongozi bora na ndiyo
maana imekuwa na amani na utulivu kwa muda mrefu ikilinganishwa na nchi
nyingi za Kusini mwa Jangwa la Sahara.
"Nchi
nyingi za Afrika zinazoizunguka Tanzania zimekuwa na matatizo ya vita
vya wenyewe na hata ukosefu wa utawala bora," alisema Balozi Lenhardt
ingawa alidokeza kuwa katika siku za karibuni imekuwa ikikabiliwa na
changamoto mbalimbali kutokana na matukio ya uvunjifu wa amani.
Balozi
Lenhardt alisema sababu nyingine inayomfanya Rais Obama kuja Tanzania ni
kutokana na jitihada za Serikali ya Marekani kutengeneza mazingira
mazuri ya uwekezaji na kasi ya ukuaji wa uchumi.
"Rais
Obama anakuja kuunga mkono juhudi za Watanzania katika kutengeneza
mazuri ya uwekezaji lakini bila kusahau kuwa kasi ya ukuaji wa uchumi wa
Tanzania imeivutia Serikali ya Marekani," alisema.
Balozi
Lenhardt alitaja sababu nyingine inayomleta Rais Obama kuwa ni kuisaidia
Tanzania kuendeleza fursa mbalimbali za kujiletea maendeleo.
Alisema uendelezaji huo wa fursa una lengo la kuisaidia Serikali ya Tanzania kukabiliana na tatizo la umaskini.
Alisema
Marekani ni moja ya nchi zinazoongoza kwa kutoa fedha nyingi za misaada
na akisema kwa mfano, mwaka 2012 pekee ilitoa Dola 750 milioni.
Aidha,
alisema nchi yake imekuwa ikitoa misaada mingi kupitia Shirika la
Millenium Challenge (MCC), ambayo imejikita zaidi katika kusaidia sekta
za umeme, maji na miundombinu.
chanzo mwananchi.
Kwanza, Amani yatanzania haitengenezwi na serikali wala uongozi bora bali ni watanzania wenyewe ndio wanaoitengeneza na kudumisha amani hiyo. Pili, Tanzania haina viongozi bora bali kuna bora viongozi, na kama wangekuwepo hao bora basi tusingekua na rushwa wala umaskini. Nne, Tanzania ni nchi yenye rasilimali nyingi lakini wanofaidi ni wachache wanaojali hali zao wenyewe. Je watanzania mnakubaliana na sababu zinazotolewa na marekani. Democrasia yenyewe hapa Tanzania inaelekea kwenye utata. Viongozi wetu wanajali maslai yao wenyewe so sioni kama hizo ni sababu tosha za Rais huyo kutembelea bongo. Na hatakama misaada ikitolewa masikini hawafaidiki nayou so whats the point behind the scene. Toeni sababu inayoeleweka acheni kuficha ficha vitu nyuma ya pazia watanzania sasa tumechoswa na uongo na kudanganwaya danganywa kama watoto wadogo. Watanzania sasa wameelimika bwana.
ReplyDelete