MSULUHISHI WA MGOGORO WA SYRIA ATOA WITO WA KUSITISHWA KWA MAPIGANO

 Lakhdar Brahimi.

Mjumbe wa kimataifa anaesuluhisha mgogoro wa Syria Lakhdar Brahimi ametoa wito kwa serikali  na wapinzani wa Syria kutekeleza hatua  ya kusimamisha mapigano wakati  wa siku Kuu  ya Eid  al -Adha.

Brahimi ametoa wito huo baada ya kukutana na Rais Bashar al- Assad mjini Damascus, ambapo Rais Assad ameunga mkono wito huo, lakini amesema msingi  wa makubaliano lazima uwe ni wa kukomesha ugaidi.

Kwa upande wake mjumbe  wa  kimataifa Brahimi ametoa taarifa kuwa wapinzani ndani na nje ya Syria wanaelekea kuunga mkono hatua ya kusimamisha  mapigano.

Ameeleza kuwa hatua ya kusimamisha mapigano inaweza kuwa msingi wa kuleta suluhisho la mgogoro wa Syria ambao mpaka sasa umeshachukua muda wa miezi 19.

Kila siku ni mbaya zaidi kuliko nyingine. Wananchi wanauana wenyewe kwa wenyewe pamoja na kwamba wote n wa imani moja. Nyerere alisema, uhasama wa kidini dhambi yake haitaishia hapo, itaenda mpaka kabila, koo, hadi familia. Tunaomba wahusika wenye kushughulikia ambani wafanye wawezalo ili kuokoa maisha wa raia wanaoangamia kila siku hasa wanawake na watoto.