KATIBA MPYA KUWA TAYARI 2014, WAZIRI MKUU MIZENGO PINDA ALIAMBIA BUNGE

Waziri Mkuu Mizengo Pinda akijibu maswali ya papo kwa hapo ya wabunge katika kikao cha bunge mjini Dodoma leo asubuhi na kudai kuwa katiba mpya itakamilika 2014. 

Kiongozi wa kambi ya Upinzani bungeni Freeman Mbowe akimuuliza swali Waziri Mkuu Mizengo Pinda.

Na.Mwandishi wetu, Dodoma.

Bunge leo limeambiwa kuwa Katiba mpya itakuwa tayari ifikapo mwaka 2014 na Tanzania itafanya uchaguzi wake wa kwanza mwaka 2015 kwa kutumia katiba mpya.

Waziri Mkuu  Mizengo Pinda alikuwa akijibu maswali ya wabunge katika kipindi cha  maswali ya papo kwa hapo bungeni leo.

Akimjibu bungeni Kiongozi wa kambi ya upinzani Mh. Freeman Mbowe aliyetaka kujua kuwa ni lini sheria zinazotawala daftari  la kupiga kura zitarekebishwa ili kuwapa fursa kubwa wapiga kura.

Pinda amesema kuwa marekebisho ya  sheria hizo  ni moja ya masuala yanayoratibiwa na tume ya jaji Joseph Warioba  ya kukusanya maoni ya kuunda katiba mpya ya Tanzania.

Waziri Mkuu ameliambia bunge kuwa kwa mujibu wa Jaji Warioba katiba mpya inayotarajiwa kuwa na marekebisho mapya mengi ikiwemo ya sheria za uchaguzi itakamilika kama ilivyopangwa.